Mbrojtja e të dhënave personale, pas IT gjoba te turizmi dhe laboratorët mjekësorë

2026-03-18 - 09:02

Pas kontrolleve në kompanitë e teknologjisë ë Informacionit ku Komisioneri për të Drejtën e Informimit dhe Mbrojtën e të Dhënave Personale hasi shkelje dhe vendosi disa masa administrative me vlerë mijëra euro duket se radha ka qenë e turizmit dhe klinikave. Konkretisht vendimet e fundit të Komisionerit për gjoba i takojnë subjekteve që operojnë si agjenci turistike, struktura akomoduese dhe një laboratori mjekësor. Mbrojtja e të dhënave personale, Komisioneri kontrolle te kompanitë IT, 3 subjekte gjoba 95 mijë € Për operatorin turistik Komsioneri ka vendosur masa administrative në vlerë kumulative prej 800 mijë lekësh teksa ka kërkuar që të merren masa për monitorimin me kamera. Në vendim Komsisioneri specifikon që Kontrolluesi, të ndalojë monitorimin e punonjësve në vendin e punës përmes sistemit të survejimit CCTV, si dhe të shkatërrojë në mënyrë të parikuperueshme të dhënat “video/audio” të mbledhura për subjektet e të dhënave “punonjës”, të cilat janë përpunuar, në kundërshtim me dispozitat e neneve 6 dhe 7 të Ligjit. Në këtë kuadër të mbajë evidenca për shkatërrimin; Ndërkohë është kërkuar që kontrolluesi, të marrë masa për publikimin dhe përditësimin e rubrikës “Politikat e Privatësisë” në faqen e internetit, në lidhje me informimin e subjekteve të të dhënave, sipas parashikimeve të ligjit. Sa i takon vendimit tjetër që ka dalë për një strukturë akomoduese edhe në këtë rast vlera kumulative e gjobave është 800 mijë lekë. Kontrolluesit në këtë rast subjektit hoterlier i është kërkuar të marrë masa për hartimin e rregullores “Për mbrojtjen, përpunimin, ruajtjen dhe sigurinë e të dhënave personale”, duke parashikuar në të, masa konkrete teknike dhe organizative për mbrojtjen e të dhënave personale, mënyrat e përpunimit të të dhënave, të drejtat e subjekteve të të dhënave, garantimin e konfidencialitetit etj., në funksion të aktivitetit të tij, për çdo proces përpunimi. Për masat e kërkuara Komisioneri ka kërkuar që të vihet në dijeni për plotësimin e tyre sipas afateve. I fundit është një vendim për një gjobë 2.8 milionë lekë për një subject që ushtron akti vitet në fushën e shërbimeve diagnostike. Sipas vendimit rezulton që laboratori si kontrollues nuk ka përfshirë në kontratë detyrimet për përpunuesit me të cilit ai ka bashkëpunim. Kontrolluesi, të marrë masa për të përfshirë në kontratën dhe/ose aneks kontratën, të nënshkruar mes kontrolluesit dhe përpunuesit, detyrimet për përcaktimin e rregullave specifike në lidhje me marrëdhënien mes palëve, në rastet e delegimit të përpunimit të të dhënave, sipas dispozitave të parashikuara. Po kështu kontrolluesi, për shkak të natyrës së veçantë të aktivitetit që ushtron, duhet të marrë masat e nevojshme për të vlerësuar mbi certifikimin e sistemeve të menaxhimit të sigurisë së informacionit, të të dhënave personale dhe mbrojtjes së tyre, sipas parashikimeve të Udhëzimit nr. 48./ N.Maho https://monitor.al/mbrojtja-e-te-dhenave-personale-kujdes-kane-filluar-gjobat-e-larta-rrezikoni-deri-ne-20-mln-euro/