Aksi Librazhd–Prrenjas i bllokuar prej 10 ditësh, ARRSH: Hapet nesër rruga alternativë

2026-03-02 - 14:44

Pas shembjes së urës në vendin e quajtur “Arrat e Gurres”, aksi Librazhd–Prrenjas ka qenë i bllokuar për qarkullimin e automjeteve që prej datës 21 shkurt, duke krijuar vështirësi në lëvizjen e qytetarëve dhe transportin e mallrave. Autoriteti Rrugor Shqiptar ka njoftuar se një rrugë e re alternativë do të hapet më 3 mars në orën 12:00, duke rikthyer kalimin nga njëra anë e aksit në tjetrën. “Pas ndërhyrjes intensive nga ekipet në terren dhe punës së pandërprerë me mjete dhe punëtorë të shtuar, nesër në orën 12:00 do të jetë e mundur hapja për qarkullim e segmentit rrugor në zonën e quajtur “Arrat e Gurrës””, dklaroi drejtori i ARSH, Ami Kozeli. Segmenti i ri, me gjatësi rreth 1.3 kilometra, po ndërtohet pranë hekurudhës në shtratin e lumit Shkumbin dhe do të jetë i aksesueshëm për të gjitha mjetet, nga makinat e vogla deri te kamionët. Kjo ndërhyrje synon të lehtësojë qarkullimin deri në zgjidhjen përfundimtare të situatës në këtë segment rrugor. Në përditësim